2005-06-07

抱擁這分鍾

我希望我可以好似俊樹咁, 雖然我知相比起佢, 我呢單根本不值一提, 佢太太當住佢面, 叫舊男朋友個名, 仲講我愛你, 佢都可以照回應, 因為佢體諒佢太太有病, 不過我仲未做得到, 突然間, 我好唔想放假.......好想返加拿大....

套<<抱擁這分鍾>>118分鍾長, 我喊左最少1個鍾, 一路睇, 我心都痛埋, 完全感受到個男主角有幾痛, 有一刻, 我好恨有一個好似個男主角咁好既男朋友, 咁醒, 咁錫老婆, 但我問一問自己, 我發現我無資格去恨, 因為由另一方面去睇, 我都做唔到個女主角咁體貼, 我都唔係一個咁好既女朋友...

今日買左相機, 未買個陣好興奮, 買左之後, 我連試既心機都無, 星期四都未必有得玩... 一個人, 對住部野....好想退左佢....

人就係咁矛盾....

anyways, 多謝阿june今日陪左我成日, 多謝佢送既Eason << U87 >>, 同埋開心既係visa 批左

2005-06-06

救命

救命呀, 好鍾意古巨基呀, 本來都無乜野架, 無啦啦昨晚發夢夢見佢做左藉口仔個位, D 感覺全部都係我對藉口仔既感覺, 只係個樣變左....

其實個夢好低能, 不過我依家又再度沈迷係 <<心跳回憶>> 同<<假如>> 既歌聲之中, 真係好~~~~~~~~~~~~~~~鍾意聽呀....>

2005-06-05

終於等到啦

等左好耐, 終於整左啦 -- 負離子既發明真偉大, 呵~....好開心, 勁開心

今年暑假無乜影過相, 我要返D買相機, 隨身攜帶, 同大家影好多好多相~

- - - - -

哎呀, 岩岩睇完monica diary, 我D玩癮大發, 好似好耐都無試過一大班人去玩啦, 對上一次已經係岩岩exam完個陣既事啦, 好想hea 同癲返餐勁架, 好想勁大笑, umum...總之就好掛住個種係咁勁玩既感覺

快D去wonderland 啦, 雖然我好爆驚, 但係我好想大嗌, 去到就可以攞正牌大嗌, 呵~

下年係咪去Dinner Dance? 去啦去啦去啦, 好想玩, 哈哈哈

- - - - -

好激氣, 好煩呀你地, 收聲啦....你估我想架?

頂, 都係唔好咁激氣, 我要開心D開心D開心D.....

2005-06-02

WTF...

What the F....

My laptop is completely out of order, It just shuts down automatically without giving any notice. And I can't even restart it properly....what the f.....

so desperate....help

2005-06-01

近排靜到飛起

公司最近生意唔好, 唉, 靜到飛起, 搞到我悶到飛起, 我老闆仲要返大陸, 無人陪我吹水就更悶><, 不過, 就係因為佢地要返大陸, 我今個禮拜返6日, 但係亦因為咁, 我下個禮拜有三日假, 嘩, 勁開心呀, 有得勁訓!!! 依家個樣都係好鬼唔精神, 唔得, 下個星期暫定放星期日同星期二, 仲有一日, 等我好好諗下有乜做同幾時放先...呵~

聽日要晨咁早起身去搞學生簽證, 煩~

今日發現左一樣野, 原來我好怕失去, 真係好怕...e....驚驚..