未來兩星期的家

一個人係RESIDENCE 悶左幾日, 終於都到左要搬既日子, 昨日夜晚就終於搬左去恩恩屋企啦, 不過臨走, 原來KENNETH都未走得, umum, 我諗佢都就黎到香港啦, 昨晚咁大雪, 佢仲話如果飛唔到就打隔離位個個....真係撗蠻無理..呵呵呵~

係啦, 咁終於都執哂屋企既野, 掟哂垃圾, 洗哂碗, 地下又空無一物, 咁就好安心咁走啦, 第一次一個人拖住個suitcase去搭車, 哈, 有d 旅行feel, 之後去到放低個suitcase, 就出去同恩食飯。

其實我等左幾日睇新紮師妹, 昨晚我同becky又睇多次, 哈, 我以為我瘋狂啦, 點知原來becky仲勁, 一個禮拜睇兩次, 唔明點解睇咁多次, 所有好笑既位都記得哂, 都可以仲咁鍾意睇...umum..無他既, 有daniel嘛...

之後睇完就同becky 傾左幾句, 但傾下傾下, 由帶佢個fd去邊到玩, 到佢問下我對於佢下個semester既plan既意見, 再到我依家好頭痛既問題係唔知讀乜好, 又再講返佢入mac 同college 既問題, 再到返我入eng sci 定mechan既問題, 不知不覺就傾到3點, 第一次同becky真係兩個人傾計, 好多謝becky架, 其實她同我講既時候, 真係提醒左我唔少野, 或者我真係望得太遠, 佢講得岩既, 或者有d野本來你繼續就會成功，但就係怕, 之後又轉左去做另一樣野, 或者真係好簡單, 唔好諗你要對無呢一樣野一世, 只要諗下如果要你做呢份工你會唔會唔開心。

多謝becky既係唔知點解同佢傾傾下, 我發現自己其實都唔係想讀science, 或者係因為要delay一年, 但事實呢? 我知道如果我轉左我會後悔架, 個陣咁想讀science 係因為讀得好辛苦, 咁岩聽到話自己唔適合讀engineering, 所以咪好想讀science 囉, 但泠靜咁諗一諗, 我又點可以肯定自己鍾意讀science 呢?astronomy...都真係興趣, 真係要讀唔係唔得, 如果有一日我的起心肝知道自己真係好想讀, 我唔介意grad 左undergrad 再由頭讀過, 但到呢一刻, 我都無咁既熱誠。

無science, 咁我就無左條後路, 正係我想做既野, 剩低就只有eng sci同mechan, 我好記得nicole講個句, "我覺得你話轉, 但轉下轉下就留左係eng sci 4 年", 哈, 唔通又俾佢開口中? 讀到既, 鬼唔知eng sci 好竎? 但mechan? 你話我好鍾意機械野? 自問由細到大都唔太好, 初初入eng sci就諗住讀aerospace, 但慢慢, 我又有d 想讀biomed 或者nano, 想係eng sci 係, eng sci好多choice, 2nd year有得讀biology, 唔知點解由細到大好憎bio, 但呢個sem又有返d 興趣, engsci 真係讀多d, 學多d 既...

但係我係咪不自量力呢? 如果讀完grad school, 人地又會唔會理你undergrad個degree呀? 係eng sci 讀得咁辛苦攞個pass, GPA又唔夠人高, 點夠同人爭grad school既位呀? eng sci, 想讀既, 但真係讀又唔係, 唔讀又唔知可以讀乜...

仲有個靚禮拜, 唉...慢慢諗下啦...

PS...人最好無得揀, 有得揀你就會花多眼亂, 無得揀, 你反而會死死地氣咁做好你既本份, 所以我都係揀定左就要絕自己後路, 勉得心大心細。