隻眼好痛呀 ><

昨日放學返屋企, 唔知點解隻眼好痛喎, 咁以為係帶CONTACT帶到攰啦, 但帶返眼鏡都仲係好痛喎, 雖然係咁, 但同ERIC傾完計, 又突如其來咁眼訓, 眼訓到攤左係張枱到都即刻訓得著, 醒左仲要即刻上床再訓過, 醒個陣都已經1點, 本來都仲想訓, 但因為要開會, 所以就醒左啦, 點要訓醒左, 隻眼都仲好痛, 好似生眼挑針咁, 但又唔係喎, 都見唔到生左任何野 >__________________________<

好想快D 到星期四, 咁樣就可以同艾先生見面啦, KEKE...

上左兩日學, 真係怯架, 放假個陣諗, 新學期, 新開始, 上個學期都捱得過啦, 今個學期又點會唔得呢, 但一上堂, 真係好驚, 驚聽唔明, 聽唔切, 做唔齊功課, 溫唔切書, 以前都唔會第一日返學就諗要讀書, 備課, 但昨日真係覺得要買好書, 讀好要上堂教個D, 我知自己英文唔好, SOCIAL SCIENCE對我黎講係好深既一科, 唔讀我真係會一D都唔明, 個PROF又用埋D 勁深既字眼喎, 真係死俾佢睇, CHEM又成2年幾無掂過, 真係要CATCH UP返呀, 其實每一科都係咁,係既, 又係返學時間, 要忘記哂放假既興奮, 無論幾無信心, 都要俾心機, 都要努力!!!!

輝輝要俾加油!!!!

PS:最近聽到力高有D唔開心, 正如佢所講, 除左佢, 無乜其他人可以真正感受到佢既擔心, 作為roommate 既我, 真係有D愛莫能助既感覺, 我知我唔可以為佢做D乜, 但希望佢可以堅強啦, 樂觀D, 無論幾時, 係邊, 艾斯嘉都陪緊你, 支持你~ 無論做乜都好, 無論你知道個結果可能會係好差好差, 但決定左就go ahead and dun look back (it's what you told me, right?)225永遠支持你喎... 返學無人陪你, 鴨仔同牛牛都會陪住青蛙架嘛, 係咪? Add oil!! 俾D 毅力啦, 雖然唔易, 但我知你做得到既!!