happy night

今個weekend返左hamilton, 本來都唔諗住返既, 因為真係有野要做, 唔想行開, 但皆因亞恩同美儀都返, 咁所以, 我都係應該返既, 無計啦, 我地皇上生日嘛, 正日都已經無返, 今個禮拜咪慶祝返啦...

其實都係借生日為藉口來聚舊啦, 真係好耐都無咁樣6個坐埋一張枱無其他人, 亦都係第一次大家都係一個獨立既個體, 個感覺初初真係幾陌生架, 真係有D唔知點, 有一刻, 真係好想返屋企, 好想走...

咁但係難得聚埋一齊, 我地當然無咁早走啦, 食完飯, 我地去左D's, 玩左層層疊同埋個輪數游戲, 原來大家既記性真係好鬼唔掂...

之後去左唱K, 間K 房都咪話唔殘舊, 入到屋有D 覺得間房就collapse, 咁無啦, 照舊地, 一如已往, 我地都係咁樣照舊啦, 唱唱下, 真係點極都搵唔到新歌, 所以我地決定玩懷舊, 真係唔講唔知, 我地都識好多周慧敏喎, 哈哈哈, 其實我地本身諗住睇下<<自作多情>>個KTV係點, 覺得一定好爆笑, 同埋成日聽人講話<<最愛>>好聽, 但又唔知係咪歌, 所以就點左幾首周慧敏既歌, 其實我地連D歌名都唔係好知係乜, 就點鬼左黎唱, 點知, 一唱最愛, 嘩, 原來我識唱喎....勁, 最愛真係勁好聽架, 之後有一首什麼<<自動自覺>>, 到依家我都唔知首歌係乜歌, 但我昨晚竟然識唱, 真係唔好話唔驚...之後勁俾benny 笑我地原來仲老過佢....>