通宵

昨日考完試去左唱K, 有好多人: 我, nicole, diane, nick, kevin, 阿仔, jake, vincent, eric, calvin and aaron. 唱3點至8點9, 真係唱到暈暈地, 但好開心, 我地大合唱左首<<勁歌金曲>>, vincent望住梁詠蒞個MTV, 冧到爆囉, 勁可愛; 我地又拍左好多videoes, 同影左好多相, 呵~ 之後去左食飯, 食完飯之後返左innis玩, 雖然唔係個個都有玩, 但都OK, 玩埋D勁無聊既野, 好似私人醒, 落大閘都有, 之後玩到一半, nick, kevin, diane訓左, 而餘下的就開始我地既uno大作戰, 傻左囉, 本來都無乜特別, 但越玩越快, 佢地勁cut 牌, 亦勁"陰"人, 最後係玩到今朝8點, eric n calvin先走囉；之後就剩低我, nicole, jake n 阿仔, 我地四個晨咁早係度吹水, 講左好多野, 講到頭先11點幾佢地兩個男既先走, 其中我最深刻既係阿仔話"離開一個已習慣的地方, 係會唔捨得, 到了另一個地方, 又習慣了, 再離開, 又會唔捨得, 但呢個係事實, 要面對", 仲有jake 問左個問題"四個月之後我地會點", 大家既總結係, 唔會再好似依家咁, 依家大家既關係都只係簡單既朋友, 大家日日見, 唔可以話好熟, 但至少真係日日見, 有乜野都會搵大家, 最近呢一兩個月, 呢班朋友真係陪左我好多, 最少, 今個sem上堂會有人幫我同nicole霸下位, 有時真係會覺得, 佢地俾任何其他人更加了解自己諗緊乜, 縱然有幾陌生, 佢地都係我生活中佔左一個很重要的地位, 黎緊分開呢幾個月, 大家講明唔會刻意去聯絡, 因為大家都知道, 有好多時, 分開兩個地方, 就不可能再有這麼多共同話題, 第二年U of T 生涯, 大家都未知去向, 究竟邊個仲會留係Eng Sci, 仲係一個謎, 好多野會變左, 係無可避免既。

頭先講開呢一年學左D乜, 第一年大學生涯, 我第一次真正體會到什麼叫辛苦; 我醒覺自己有幾懶, 做事有幾唔認真; 我受過18年來最大既挫折: 屋企,學業同感情, 曾經有一段時間, 我以為一切已到了盡頭; 除此之外, 我還找回"個人"既定義, 以前我會非常介意其他人點睇我, 雖然有好多人叫我不要太介意其他人的想法, 應該有自己的一套, 我以前明白這一點的意思, 但我卻不明白怎樣才可以做到這一點, 以前做事, 要向其他人交代得清楚, 但現在, 朋友不會過份理會我所做的一切, 我找回了我的私人空間, 我發現我非常需要私人空間, 無論是朋友關係, 父母, 甚至是愛情, 不喜歡被問得太多, 就像nicole 所說的:"要是我要說的, 我會講", 返學係辛苦, 但生活過得簡單, 我鍾意人關心我, 但我最討厭人煩我。

PS: 頭先check 左PHL Exam Mark, 得個66.5%, 但average成70幾個%, 雖然係預計之中, 但真係好唔開心, 只不過呢種唔開心, 唔會維持太耐, 因為我改變唔到。