同milk飲茶 - .`、` LuV 、`. `*.. ^3^

今日, 俾童話既鈴聲嘈醒左, 以為係邊個, 原來係我設左阿milk既鈴聲為童話, 個陣, 已經係差唔多1點, 我約左阿milk 2點, 所以我都急急腳去到TD同佢會合, 唔知點解俾童話既鈴聲嘈醒左, 反而有點唔開心, 或者一起身聽到首咁悲既歌, 人都呆滯點。

又有好一陣子無見過阿milk, 今次係第一次同阿milk兩個人食lunch, 我地好似阿婆阿伯咁去左飲茶, 不過, 阿milk依然係阿milk, 都係咁多野講, 都係咁長氣, 係咁叫我提佢寫生日卡俾老豆同埋買瑞士卷俾shirley, 真係廿四孝, 食完野, 坐左係龍笙棧一陣, 傾左陣計, 都係輭聊左幾句啦, 雖然阿milk好耐好耐先搵我地一次, 但我覺得咁樣, 有時俾日日見仲好, 同阿milk食飯, 個感覺唔知點解有D似同UT 既朋友食飯一樣, 唔係好熟, 但又好親切, 雖然今日我著得好鬼求其, 但阿milk都無笑過我, 呵...

飲完茶, 買完瑞士卷, 送完阿milk上streetcar, 我就走去eaton 同nicole會合, 佢今日係thronhill返黎, 我都知佢悶到發霉, 所以就陪佢行下街囉, 唔知做乜, 好鬼眼訓, 無乜心情, 心入面諗黎諗去都係個樣野, 越諗越煩, 昨日阿蛋講左一句野, 我就諗到依家, 本來自己都逃避緊既疑問, 依家好似被人識破左咁, 唔開心, 因為係我逃避緊既時候, 被迫面對, 諗左成日, 我諗通左D, 我寧願當乜野都無聽過, 一切依舊, 一切都唔關我事, 我只希望我地個個都開心, 簡簡單單夠啦, 唔想因為我帶俾大家麻煩。

呢兩日, 無收過任何一個電話, 我會諗, 或者你怕煩住我, 唔想我忟, 我知既, 但我只係想係返香港前, 剩低呢一日, 開開心心咁玩埋呢一日, 乜都唔想煩, 乜都唔想諗。

龜龜, tigger, 沙pat tigger, adrian's 雞, adrian's pooh, diane's eyyo, diane's 沙pat eyyo (由左至右)