無聊一整天

今日非常無聊, 朝早起身, 就同阿媽去睇中醫, 嘩, 再唔睇就係死得, 塊面就黎整容都唔掂, 睇完個醫生話我外感喎...不過話時話, 睇醫生真係好鬼貴, 望住個中醫個算盤, $90 一包???難道我連算盤都唔識睇? 點知, 原來我無錯, 真係$90一包, 再加診金, 嘩, 真係睇完都肉痛死左....

之後, 返屋企, 上網上網再上網, 所以日記既版面改左好多, 整左我好幾個鍾架, 之後亨利有個俾人設計小測驗既網址, 我又整左好幾個鍾, 但整完都係唔鍾意, 結果成個delete左, 得輭再整過啦...

之後去左樂富吉之島, 嘩, 人山人海, 無法啦, 今日特價嘛, 又五一補假, 實多人啦, 真係無心機同D阿太迫呀...一路行, 我阿媽最少講左5次 "惠康逢星期3 8折"....激死左~

返屋企, 同vian chat左陣, 又係學業上既問題, 係啦, 應該揀科讀得輕鬆D, 開心D既讀, 況且我個目標又唔只係undergraduate, 其實都有D想讀aerospace master, 就係唔可以係engsci 死捱4年, 乜都學唔到就去讀架喎, 死啦, 真係好似好應該轉mechanical, 雖然9月30號先deadline, 但我想係今個月決定好, 唔想拖。

返左黎成個禮拜, 今日係第一日坐左係部電視前面超過15分鍾, 睇左兩集電視劇, 亞視既<<爸爸向前走>> 都幾好睇, 無視個套<<同撈同煲>>就真係無多掂, 又係<<難兄難弟>> D friend, 至唔鍾意架啦！今晚睇電視, 我發現依家D 電視同我阿媽一樣咁長氣, 睇左個幾鍾電視, 但我睇左sammi 個兩個SK2廣告最少7次, 乜香港依家真係咁少廣告竎?????!!!!

聽日唔使再悶啦, 聽日有得出街啦..呵~